شیخوپورہ، فیروز والہ (نامہ نگار خصوصی+ نامہ نگار) شیخوپورہ میں لڑکی نے پھندہ لیکر خود کشی کر لی۔ جبکہ فیروز والا میں گھریلو پریشانی پر تین بچوں کا باپ ترین تلے آ کر کٹ مرا، تفصیلات کے مطابق فیروز والا جی ٹی روڈ کی آبادی مریدکے کے رہائشی 35 سالہ قاسم علی نے موٹرسائیکل سے اتر کر بھلے ڈسٹوال ریلوے لائن پر ٹرین کے سامنے آکر خود کشی کر لی۔ متوفی تین بچوں کا باپ تھا اور ایک فیکٹری میں بطور انجینئر کام کرتا تھا۔ نعش ضروری کارروائی کے بعد ورثاء کے حوالے کر دی گئی۔ شیخوپورہ کے گائوں گوبند میں مبینہ طور پر 22 سالہ انیلہ کا اپنے گھر والوں سے جھگڑا ہوا، جس پر اس نے پنکھے سے پھندا ڈال کر زندگی کا خاتمہ کر لیا۔ مقامی پولیس مصروف تفتیش ہے۔