اسلام اآباد (اآن لائن) پیپلز پارٹی کے چیئرمین بلاول بھٹو زرداری نے اپر کوہستان میں قیمتی جانوں کے ضیاع پر اظہار افسوس کرتے ہوئے متاثرہ خاندانوں سے اظہار تعزیت کی ہے ۔تفصیلات کے مطابق پی پی چیئرمین بلاول بھٹو نے گزشتہ روز اپر کوہستان میں گاڑی کے لکڑی کے پل سے نیچے گرنے سے 24لوگوں کی اموات پر اظہار افسوس کرتے ہوئے کہا ہے کہ اس بھیانک حادثے میں قیمتی جانوں کا ضیاع باعث صدمہ ہے اور حکومت متاثرہ خاندانوں کی مالی معاونت کیلئے کردار ادا کرے اور حادثے کے اسباب معلوم کرنے سمیت ذمہ داروں کا تعین کرنے کیلئے بھی تحقیقات کرائی جائیں تاکہ آئندہ ایسے حادثات کی روک تھام کیلئے اقدامات اٹھائیں جا سکیں۔