ساہیوال (نمائندہ نوائے وقت) نواحی چک98۔ نائن۔ ایل میں ایک 60سالہ محنت کش رستم اور 35سالہ عورت معراج بی بی کرنٹ لگنے سے جاں بحق ہو گئے۔ تفصیلات کے مطابق محنت کش نوشیر کا بیٹا رستم چارہ کاٹنے والی ٹوکہ مشین شارٹ ہونے کی وجہ سے کرنٹ کے باعث دم توڑ گیا۔اسی چک میں نور شاہ کے ذاکر حسین کی بیوی 35سالہ معراج بی بی اپنے والد نذیر احمد کے گھر ملنے آئی ہوئی تھی چھت پر کپڑے سکھاتے ہوئے گھر کے اوپر سے گزرنے والی بجلی کی ٹرانسمیشن لائن سے سر ٹکرانے کے نتیجہ میں اسے بجلی کا شدید جھٹکا لگا اور مو قع پر ہی جھلس کر جاں بحق ہو گئی۔