پشاور (آن لائن) آل پاکستان بلائینڈ کرکٹ ٹورنامنٹ میز بان ایبٹ آباد نے اٹک کو شکست دیکر مسلسل تیسری ا بار ایونٹ اپنے نام کرلیا مہمان خصوصی ایم این اے عظمی ریاض جدون ،سٹیشن کمانڈایبٹ آباد بریگیڈیئرفیصل اور طارق محمود شوکت گل جدون نے کھلاڑیوں میں میڈلز ٹرافیاں اور کیش پرائز تقسیم کئے ڈائریکٹوریٹ آف سپورٹس کے پی کے ریجنل سپورٹس آفس کے باہمی اشتراک سے ایبٹ آباد کرکٹ سٹیڈیم میں کھیلے جانیوالے بلائینڈ کرکٹ فائنل میں اٹک کرکٹ کلب آف بلائینڈ نے مقررہ بیس اوورز میں پہلے بیٹنگ کرتے ہوئے 224رنز بنائے جواب میں ایبٹ آباد کرکٹ کلب آف بلائینڈ نے کپتان ریاست انٹرنیشنل کے شاندار ناقبل شکست 115رنز کی بدولت سترہ اعشاریہ تین اوورز میں ایک وکٹ کے نقصان پر مقررہ ہدف حاصل کر کے ٹائٹل اپنے نام کر لیا میچ کے اختتام پر ایبٹ آباد کرکٹ کلب آف بلائینڈ کے محمد بلال نے ایونٹ رپورٹ پیش کی ۔