کراچی (نوائے وقت رپورٹ) معروف اداکار عابد علی مختصر علالت کے بعد انتقال کر گئے۔ گزشتہ چند روز سے عابد علی کی حالت تشویشناک تھی انہوں نے ان گنت کامیاب ڈرامے دیئے اور فلموں میں بھی کام کیا ان کے پسماندگان میں رابعہ نورین، ایمان علی، رحما علی، مریم علی شامل ہیں انہوں نے دینی پرفارمنس کی بدولت پرائڈ آف پرفارمنس اور لکس سٹائل ایوارڈ دیا گیا۔ ان کے معروف ڈراموں میں وارث، دشت، آندھی شامل ہیں۔ عابد علی کی اہلیہ رابعہ عابد نے شوہر کے انتقال کی تصدیق کر دی ہے۔عابد علی جگر کے کینسر میں مبتلا اور کراچی کے نجی ہسپتال میں زیر علاج تھے۔ ان کی عمر 67 برس تھی۔ وہ 29 مارچ 1952ء کو کوئٹہ میں پیدا ہوئے۔ مشہور ماڈل اور اداکارہ ایمان علی اور گلوکارہ راحمہ علی، عابد علی کی صاحبزادیاں ہیں۔ عابد علی نے دو شادیاں کیں۔ حمیرا علی ان کی پہلی شریک حیات ہیں۔