سارک سنوکر چیمپئن شپ ‘پاکستان بھارت کو شکست دیکر فائنل میں پہنچ گیا
لاہور (سپورٹس ڈیسک) سارک سنوکر چیمپئن شپ کے سیمی فائنل میں پاکستان کے محمد بلال نے اپنے بھارتی حریف کو یکطرفہ مقابلے کے بعد شکست دے کر فائنل میں جگہ بنا لی ہے۔ بنگلہ دیش کے دار الحکومت ڈھاکہ میں جاری سارک سنوکر چیمپئن شپ دوہزار انیس کے پہلے سیمی فائنل میں پاکستان کے محمد بلال کا ٹاکرا بھارتی کیوئسٹ سندیپ گلاٹی سے ہوا۔ محمد بلال نے شاندار کھیل کا مظاہرہ کرتے ہوئے گیارہ فریم کے میچ میں بھارتی حریف سندھیپ گلاٹی کو صفر کے مقابلے میں چھ فریم سے شکست دے کر فائنل کھیلنے کا موقع اپنے نام کر لیا۔ محمد بلال کے مدمقابل بھارتی کھلاڑی کوئی ایک فریم بھی اپنے نام نہ کرسکے۔ دوسرے سیمی فائنل میں پاکستان کے اسجد اقبال نے بھارتی حریف لکشمن راوت سندیپ کو شکست دے کر فائنل کیلئے کوالیفائی کرلیا ۔ پاکستان سٹار نے سیمی فائنل میں بھارتی حریف کو گیارہ فریمز کے مقابلے میں چھ چار سے شکست دی۔
