اسلام آباد (وقائع نگارخصوصی) شہبازشریف نے کہا ہے کہ جنگ ستمبر میں دشمن نے ہمیں للکارا اور منہ کی کھائی،کشمیر پر غاصبانہ قبضے سے آج اس نے پھر ہمیں للکارا ہے، اللہ تعالی کے فضل وکرم اور مدد سے جنگ ستمبر کے جذبے سے دشمن کے دانت پھر توڑیں گے۔ یوم دفاع پاکستان پر پیغام میں انہوں نے کہا کہ آج کے دن پاکستانیوں نے ثابت کیا کہ کوئی ان کی آزادی نہیں چھین سکتا۔ عظیم پاکستانیوں نے دشمن پر ثابت کردیا کہ ہمیں ہماری آزادی اپنی جان سے زیادہ پیاری ہے اور اس کے لئے ہم ہر قربانی دینے کو تیار ہیں۔