لاہور(نیوزرپورٹر)نوائے گروپ کے زیر اہتمام یوم دفاع کے موقع پر اور کشمیریوں سے اظہار یک جہتی کیلئے لاہور آفس کے باہر ایک ریلی کا انعقاد کیا گیا،جس میں نوائے گروپ کے ملازمین اور صحافیوں نے کثیر تعداد میں شرکت کی ،شرکاء نے اپنے ہاتھ میں یوم دفاع اور کشمیریوں سے اظہار یکجہتی کے طور پر پلے کارڈ زار بینرز اٹھار کھے تھے جس میں کشمیر بنے گا پاکستان ،گو انڈیا گو ،آخری سانس تک کشمیریوں کا ساتھ دیں گے ،یوم دفاع کی مناسبت سے شہداء وطن کو سلام ،پاک فوج زندہ باد کے نعرے درج تھے ،نوائے وقت کے کارکنوں اور صحافیوں نے فلک شگاف نعرے لگا کر ا فواج پاکستان اورکشمیریوں سے اظہار یکجہتی کیا ،اس موقع پر ڈائریکٹر ایڈمنسٹریشن کرنل ریٹائرڈ سید ندیم قادری ،ایڈیٹوریل انچارج سعید آسی، ڈائریکٹر مارکیٹنگ بلال بٹ ،ایڈیٹر فیملی میگزین خالد بہزاز ہاشمی ،سنڈے میگزین ایڈیٹر جی آر اعوان ،ایڈیٹر پھول شعیب مرزا ،ہیڈ آف آئی ٹی قیصر ندیم سمیت سینئر صحافیوں اور نوائے وقت کے ورکرز کی بڑی تعداد موجود تھی۔