سرگودھا: ڈاکو ڈرائیور کو لوٹنے کی کوشش میں ڈمپر تلے کچلا گیا
سرگودھا (نامہ نگار) نواحی قصبہ شاہین آباد میں ڈمپر ڈرائیور کو لوٹنے کی کوشش میں ڈاکو ڈمپر کے نیچے کچلا گیا اور موقع پر ہلاک ہو گیا۔ تفصیلات کے مطابق گزشتہ روز قصبہ شاہین آباد کے قریبی گائوں چک نمبر 123جنوبی سٹون کریشنگ مارکیٹ کے قریب ایک ڈاکو نے ڈمپر کو رکنے کا اشارہ کیا، نہ رکا تو ڈمپر پر چڑھ گیا۔ ڈرائیور گھبرا گیا جس کے نتیجہ میں ڈمپر الٹ گیا اور نیچے آکر کچلا گیا۔ پوسٹ مارٹم کے بعد لاش میونسپل کمیٹی کے سپرد کی گئی جنہوں نے لاش کو امانتاً مقامی قبرستان میں سپردخاک کر دیا، تاحال ڈاکو کی شناخت نہ ہو سکی، سلانوالی پولیس نے ڈمپر ڈرائیور ماجد علی کی رپورٹ پر مقدمہ درج کر لیا۔
