لاہور(سپورٹس رپورٹر) پہلی آل ایشیا کراٹے چیمپئن شپ میں میرپور آزاد کشمیر سے تعلق رکھنے والے محمد عدیل راجہ اور اسامہ عارف نے پاکستان کی نمائندگی کرتے ہوئے دوسری پوزیشن حاصل کرلی۔ پہلی پوزیشن جاپان نے حاصل کی۔ملائیشیا میں منعقد ہونے والی پہلی آل ایشیا کراٹے چیمپئن شپ میں ایشیا کے 30 ممالک کی ٹیموں نے حصہ لیا۔ میرپور آزاد کشمیر سے تعلق رکھنے والے محمد عدیل راجہ اور اسامہ عارف نے پاکستان کی نمائندگی کرتے ہوئے چیمپئن شپ میں دوسری پوزیشن حاصل کی۔65 کیٹیگری میں پہلی پوزیشن جاپان، دوسری پاکستان، تیسری قازقستان، چوتھی ملائیشیا اور 85 کیٹگری میں پہلی پوزیشن جاپان، دوسری پاکستان، تیسری چین اور چوتھی جاپان نے حاصل کی۔