لاہور(سپورٹس ڈیسک) آسٹریلیا نے انگلینڈ کو ایشز سیریز کے چوتھے ٹیسٹ میچ میں 185رنز سے شکست دے کر دو ایک کی برتری حاصل کرلی ۔ آسٹریلیا نے میزبان ٹیم کو میچ جیتنے کیلئے 383رنز کا ہدف دیا تھا تاہم انگلش ٹیم 197رنز پر ڈھیر ہو گئی ۔ برنز صفر ‘جو ڈینلی ترپن ‘کپتان جوروٹ صفر ‘جیسن رائے اکتیس ‘بین سٹوکس ایک ‘جونی بیئر سٹو پچیس ‘جوز بٹلرچونتیس ‘اوورٹن اکیس ‘جوفراآرچر ایک اور لیچ بارہ رنز بناکرآئو ہوئے ۔ پیٹ کمنز نے چار ‘جوش ہیزل ووڈ ‘نتھن لیون نے دو دو جبکہ مچل سٹارک اور لبو شانگی نے ایک ایک کھلاڑی کو آئوٹ کیا۔ سٹیون سمتھ کو میچ کابہترین کھلاڑی قرار دیا گیا ۔ آسٹریلیا نے پہلی اننگز 497رنز آٹھ کھلاڑی آئوٹ جبکہ دوسری 186رنز چھ کھلاڑی آئوٹ پر ڈکلیئر کی تھی ۔ انگلینڈ نے پہلی اننگز میں 301رنز بنائے تھے ۔ سیریز کا پانچواں اور آخری ٹیسٹ اوول میں آئندہ ہفتے کھیلا جائے گا۔