لاہور( سپورٹس رپورٹر+نمائندہ سپورٹس) ایشین سینئر مینز والی بال چیمپئن شپ آج سے ایران میں شروع ہو گی۔ پاکستان اپنے گروپ کے پہلے میچ میں آج کوریا کے مدمقابل ہوگا۔ چیمپئن شپ میں 16 مختلف ممالک کی ٹیمیں حصہ لے رہی ہیں جن کو چار گروپ میں تقسیم کیا گیا ہے۔ پاکستان ٹیم کو گروپ ڈی میں رکھا گیا ہے دیگر ٹیموں میں کوریا، کویت اور انڈونیشیا کی ٹیمیں شامل ہیں۔ پاکستان اپنے گروپ کے دوسرے میچ میں 14 ستمبر کو انڈونیشیا کیخلاف کھیلے گا جبکہ تیسرا اور آخری گروپ میچ 15 ستمبر کو کویت کیخلاف کھیلے گا۔