لاہور( سپورٹس رپورٹر+نمائندہ سپورٹس)پاکستان ہاکی فیڈریشن کے سیکرٹری اولمپئین آصف باجوہ کے مطابق فیڈریشن نے ورلڈ چیمپئن بیلجیئم سے اولمپک کوالیفائر سے قبل پریکٹس میچ کھیلنے کیلئے رابطہ کیا تھا، جس کا مثبت جواب نہیں ملا۔ شیڈول کے مطابق قومی ہاکی ٹیم 20اکتوبر کو ہالینڈ روانہ ہوگی۔ آصف باجوہ کے مطابق ہمیں یورپ میں پریکٹس میچ کھیلنے کیلئے کچھ مثبت جواب ملا، جس کیلئے ہم دیگر ٹیموں سے رابطے میں ہیں ،تو ممکن ہے کہ ٹیم 20 اکتوبر سے قبل بھی روانہ ہو سکتی ہے۔