لاہور(نمائندہ سپورٹس )پاکستان وومنز کرکٹ ٹیم کی سابق کپتان اور ٹیم کی رکن ثنا میر نے کہا ہے کہ اب میں لوگوں سے جب بات کرتی ہوں تو وہ کہتے ہیں کہ ہمیں پاکستان کی خواتین کرکٹ ٹیم پر بہت فخر ہے اور ہم چاہتے ہیں کہ ہماری بیٹیاں بھی اس ٹیم کا حصہ ہوں۔ ٹوئٹر پیغام میں ثنا میر کا کہنا ہے کہ اس سے میرے جذبوں میں اضافہ ہوتا ہے اور دنیا بھر کی تمام کرکٹرز ایسی ہی خواہش رکھتی ہیں۔ یاد رہے کہ ثنا میر کو آئندہ ماہ نیویارک میں ایشیا سوسائٹی کی جانب سے ایشیا گیم چینجر ایوارڈ دیا جائیگا۔