اسلام آباد، کوہاٹ (نوائے وقت رپورٹ) کوہاٹ میں گاڑی کھائی میں گرنے سے تین افراد جاں بحق اور 15 زخمی ہوگئے۔ زخمیوں کو طبی امداد کیلئے پشاور کے ہسپتال منتقل کردیا گیا، کئی زخمیوں کی حالت تشویشناک ہے جبکہ اسلام آباد کے سیکٹر آئی ایٹ میں تیز رفتاری کے باعث کار الٹ گئی۔ پولیس کے مطابق حادثے میں تین نوجوان جاں بحق ہوگئے۔ لاشوں کو ہسپتال منتقل کردیا گیا۔ حادثہ اس قدر شدید تھا کار کے کچھ حصے کافی دور جاگرے۔