لاہور(سپورٹس ڈیسک) بارسلونا نے ویلنشیا کلب کو 5-2 گولز سے ہرا دیا۔ ریال میڈرڈ، ویلاریال اور ریال سوسائیڈاڈ کلبوں نے بھی اپنے اپنے میچز جیت لئے۔سپینش لالیگا کے سلسلے میں کھیلے گئے میچز میں بارسلونا نے ویلنشیا کو با آسانی 5-2 گولز سے شکست دے کر کامیابی سمیٹی، فاتح کلب کی طرف سے سوریز نے 2 جبکہ فاتی، ڈی جونگ اور پیکیو نے ایک، ایک گول کیا۔ ویلنشیا کی جانب سے گامیرو اور گومز نے ایک، ایک گول داغا۔ریال میڈرڈ نے لیونتے کلب کو تین دو سے شکست دی۔ ویلاریال نے لیگانیز کو 3-0 گولز سے زیر کیا، ریال سوسائیڈاڈ کلب نے ایٹلیٹکو میڈرڈ کلب کو 2-0 گولز سے مات دی۔