لاہور (نمائندہ سپورٹس ) پنجاب لان ٹینس ایسوسی ایشن کے زیراہتمام رافم پنجاب جونیئر ٹینس چیمپن شپ کے تیسرے دن دلچسپ میچز کھیلے گئے۔ انڈر 12 اور انڈر 10 مقابلے ہوئے‘ عمر جاوید نے حارث باجوہ کو 8-0سے، عیسیٰ بلال نے مصطفی ہارون کو 8-3 سے، لابیکا دراب نے رافع عطاء اللہ کو 8-2 سے، عبداللہ یوسف نے سارم رسول کو 8-1 سے، اسماعیل آفتاب نے راجہ مصطفی کو 8-3 سے ہرا دیا۔ انڈر 10 میں امیر مزاری نے ذیشان مصطفی کو 8-0سے، عمر جاوید نے رامید شاہد کو 8-0 سے، عبداللہ نے طلحہ تارر کو 8-6 سے، حبیب اللہ نے ورن ہاشم کو 8-1 سے، انڈر 16 ڈبلز کے سیمی فائنلز میں فیضان اور بلال نے شاہیل اور حمزہ کو 4-1, 4-1، دوسرے سیمی فائنل میں حسان اور حنان نے زین اور ارحم کو 4-1, 2-4, 10-7 سے ہرا کر فائنل کیلئے کوالیفائی کیا۔ انڈر 14 گرلز میں شیزا ساجد نے مہرو فاطمہ کو 8-1 سے، اقصی اکرم نے مایہ لون کو 8-3 سے، استفالیہ عارف نے لابیکا دراب کو 8-6 سے جبکہ حانیہ منہاس نے سلیحہ کو 8-0 سے ہرا دیا۔