لڑکیوں کے ساتھ ڈانس کی ویڈیو گورنر خیبر پی کے نے بنوں یونیورسٹی کے وائس چانسلر کو عہدے سے ہٹا دیا
اسلام آباد (نامہ نگار) سوشل میڈیا پر متنازعہ ویڈیو سامنے آنے پر گورنر خیبر پی کے شاہ فرمان نے بنوں یونیورسٹی کے وائس چانسلر عابد علی شاہ کو عہدے سے ہٹا دیا۔ سماجی رابطے کی ویب سائٹس پر بنوں یونیورسٹی کے وائس چانسلر کی لڑکیوں کے ساتھ ڈانس کی متنازعہ ویڈیو سامنے آئی تھی جس پر گورنر خیبرپی کے نے انہیں چانسلر کے عہدے سے ہٹا دیا۔ وائس چانسلر کی ذمہ داریاں عارضی طور پر سلطان محمود کو دے دی گئی ہیں جب کہ معاملہ کی باقاعدہ انکوائری کیلئے 3 رکنی کمیٹی قائم کر دی، جو 10 دن میں اپنی حتمی رپورٹ گورنرکو دے گی۔
