لاہور (نمائندہ سپورٹس) ورلڈ سنوکر چیمپئن شپ میں پاکستانی کیوئسٹ محمد آصف نے فائنل کیلئے کوالیفائی کر لیا۔آئی بی ایس ایف ورلڈ سنوکر چیمپئن شپ جو 25 ستمبر تک میانمار میں کھیلی جانی ہے میں پاکستانی کیوئسٹ محمد آصف نے فائنل میں انٹری ڈال دی ہے، سیمی فائنل میں انہوں نے میانمار کے حریف کھلاڑی کو ہرایا۔یاد رہے کہ اس سے قبل آئی بی ایس ایف سکس ریڈ ورلڈ سنوکر چیمپئن شپ 2019ء میں پاکستانی کیوئسٹ سابق عالمی چیمپئن محمد آصف نے کوارٹر فائنل میں پہنچنے سے قبل میانمار کے کھلاڑی نینگ ون کو 5-1 سے شکست دی تھی۔محمد آصف نے کہا کہ فائنل میں اچھی کارکردگی دکھانے اور کامیابی کیلئے پر عزم ہوں ۔دوسرے سنوکر پری کوارٹرفائنل میں پاکستانی کیوئسٹ ذوالفقارقادر بھارتی کیوئسٹ پنکج ایڈوانی سے 5-2 سے شکست کھا گئے تھے، چیمپئن شپ میں ذوالفقارقادر نے شاندار کارکردگی کا مظاہرہ کیا تھا لیکن پری کوارٹرفائنل میں بھارتی نمبرایک کھلاڑی کے ہاتھوں شکست کھا گئے تھے۔