لاہور(کلچرل رپورٹر) ملتان کی معروف اداکارہ دیدارملتانی لاہورآگئی ہیں اورآج کل وہ شالیمار تھیٹر میں زیرنمائش ڈرامہ ’’صنم میرا چور‘‘ میںکام کر رہی ہیں۔انہوں نے بتایا کہ فیصل آباد، ملتان، گوجرانوالہ ،راولپنڈی اور ساہیوال میں پرفارم کرچکی ہوں جہاں میری پرفارمنس بہت پسند کی گئی ہے۔ امید ہے کہ لاہور میں بھی میری پرفارمنس پسند کی جائیگی۔ اس ڈرامے میں میرے علاوہ سنہری خان، دیا علی، سلک، زویا چودھری،شاہد خان ،ببورانا ،اسد مکھڑا‘شجر عباس ،عقیل حیدر اور کاشف چن کام کررہے ہیں ۔ ڈرامے کے پروڈیوسرملک طارق اور رائٹروڈائریکٹرڈاکٹراجمل ملک ہیں۔