لندن(انٹرنیشنل ڈیسک)برطانیہ سے تعلق رکھنے والے جوڑے کو ایک شیف کی تلاش ہے جو ان کی شادی کے موقع پر سڑک حادثات میں مر جانے والے جانوروں کے گوشت سے کھانے تیار کرے۔جوڑے نے اس حوالے سے باقاعدہ ایک اشتہار بھی شائع کروایا ہے جس میں انہوں نے سڑک پر حادثات میں مرنے والے جانوروں کے گوشت سے کھانا تیار کرنے والے شیف کو بطور معاوضہ 5000 پاؤنڈ دینے کا اعلان بھی کیا ہے۔جوڑے نے اشتہار میں لکھا کہ انہیں ایک ایسے شیف کی تلاش ہے جو جانوروں کا کھانا بنانے میں ماہر ہو۔