واں بھچراں (نامہ نگار) واں بھچراں کے علاقہ شادیہ میں شوہر نے غیرت کے نام پر بیوی کو قتل کردیا۔ شادیہ شمالی کے رہائشی محمد ثقلین کو اپنی بیوی نسیم بی بی کے کردار پر شک تھا۔ گزشتہ روز طیش میں آکر ناجائز تعلقات کے الزام پر ثقلین شمیر خیل نے 28 سالہ بیوی کو بندوق سے فائرنگ کرکے قتل کر دیا۔ واقعہ کی اطلاع ملتے ہی واں بھچراں پولیس موقع پر پہنچ گئی۔ پولیس نے نعش تحویل میں لے کر ضروری کارروائی کے لئے ہسپتال منتقل کر دی۔ ملزم فائرنگ کے بعد فرار ہو گیا۔