اسلام آباد (نمائندہ خصوصی)وزیر اعظم عمران خان آج وطن واپس آئیں گے ، وہ نیویارک سے کمرشل فلائٹ کے ذریعے جدہ کے راستے وطن روانہ ہو گئے ،وزیر اعظم کا خصوصی ظیارہ گذ شتہ روز وطن واپسی کے لئے روانہ ہوا تھا تاہم فنی خرابی کے بعد واپس نیویارک لینڈ کر گیا تھا ،شب باشی کے بعد وزیر آعظم اور ان کے وفد کے دیگر ارکان گذتی روز نیویارک سے جدہ جانے واکی کمرشل فلائٹ میں سوار ہوئے ،جدہ میں مختصر قیام کے بعد وزیر آعظم دوسری فلائٹ سے وطن روانہ ہو جائیں گے ۔وزیرآعظم نے نیویارک میں قیام کے دوران جنرل اسمبلی سے خطاب کے علاوہ امریکہ کے صدر اور دیگر عالمی راہنمائوں سے ملاقاتیں کیں ۔ وزیراعظم عمران خان کا امریکہ سے واپسی پر شاندار استقبال کیا جائے گا۔ تحریک انصاف نے وزیراعظم کے استقبال کے پروگرام کو حتمی شکل دیدی۔ چیف آرگنائزر سیف اﷲ نیازی نے تنظیمی عہدیداروں کو ہدایات جاری کر دیں۔ سیف اﷲ نیازی کا کہنا ہے کہ کارکن آج سہ پہر ساڑھے تین بجے اسلام آباد ائرپورٹ پر اکٹھا ہوں گے۔