ؒٓلاہور(نمائندہ سپورٹس) پاکستان کرکٹ ٹیم آئندہ برس آئر لینڈ اور ندرلینڈز کے خلاف سیریز کھیلے گی۔ہالینڈ اور آئرلینڈ کے خلاف سیریز ون ڈے اور ٹی ٹونٹی میچز پر مشتمل ہو گی ۔ پاکستان کرکٹ ٹیم انگلینڈ کے دورے سے قبل یہ سیریز کھیلے گی سیریز کا شیڈول جولائی میں طے کیا جا رہا ہے۔نیدر لینڈز کے خلاف سیریز 3 ون ڈے میچز پر مشتمل ہو گی۔پاکستان اور آئر لینڈ کے درمیان 2 ٹی ٹونٹی میچز کھیلے جائیں گے۔پاکستان نے دورہ انگلینڈ میں تین ٹیسٹ اور تین ٹی ٹونٹی میچز کھیلنا ہیں۔پاکستان اور انگلینڈ کے درمیان پہلا ٹیسٹ 30 جولائی سے کھیلا جائے گا۔