لاہور ( کلچرل رپورٹر ) گلوکار ساحر علی بگا نے کشمیریوں سے اظہار یکجہتی کے لئے ہونے والے "پاکستان فیسٹیول فرانس" میں شاندار پرفارمنس سے شائقین کے دل جیت لئے۔فیسٹیول میں لندن سے آئے لارڈز نذیر ، مسلم لیگ نواز کے رہنما عابد شیر علی ،سینئر صحافی سہیل واڑئچ اور دیگر نے شرکت کی۔فیسٹیول کے آرگنائزر عبدالقدیر،ابرار کیانی،عمیر اور رانا محمد یاسین تھے۔ گلوکار ساحر علی بگا اور کینیڈی گلوکارہ شگفتہ اعوان اور پی ٹی آئی کے آفیشل ڈی جے قیصر ندیم گڈو جی نے شرکت کی۔ فیسٹیول کی خاص بات یہ تھی کہ کشمیر کے ایشو کو اجاگر کیا گیا اور پیرس کی فضا "کشمیربنے گا پاکستان" کے فلگ شگاف نعروں سے گونج اٹھی۔ساحر علی بگا نے جب اپنا گیت "ہر دل کی آواز پاکستان زندہ باد"گایا تو فیسٹیول میں موجود لوگ پاکستان زندہ باد کے نعرے لگاتے رہے۔کامیاب شو کے بعد ساحر علی بگا وطن واپس پہنچ گئے ہیں۔