ملتان (سماجی رپورٹر) جنوبی ایشیا کے عظیم روحانی پیشوا شیخ الاسلام حضرت غوث بہائوالدین زکریا سہروردی ملتانی ؒ کے 780ویں سالانہ عرس کی سہ روزہ تقریبات 5اکتوبر بروز ہفتہ کو دربار عالیہ قلعہ کہنہ قاسم باغ میں شروع ہورہی ہیں۔ تقریبات کا افتتاح 10بجے دن درگاہ کے سجادہ نشین اوروزیر خارجہ مخدوم شاہ محمود حسین قریشی اور وزیر اعلیٰ پنجاب سردار محمد عثمان بزدار مزار کو غسل دے کر کریں گے اس کے فوراً بعد درگاہ کے احاطے میں قومی زکریا کانفرنس مخدوم شاہ محمود حسین قریشی کی زیرصدارت منعقد ہوگی، وزیر اعلیٰ پنجاب مہمان خصوصی ہوں گے۔