لاہور(نمائندہ خصوصی)سٹی ٹریفک پولیس لاہور کی طرف سے پہلے ٹی 20 میچ کے موقع پر سری لنکن ٹیم اورشائقین کو بھرپور جوش و جذبہ کے ساتھ خوش آمدید کیا گیا۔ قذافی سٹیڈیم کے گردونواح،ڈائیورشن پوائنٹس، داخلی و خارجی راستوں پر ٹریفک آگاہی کیمپ بھی لگائے گئے،ایف سی کالج پارکنگ،لبرٹی پارکنگ،مین انٹرنس پارکنگ اور ڈائیورشن پوائنٹس پر شہریوں میں پھول اور بچوں میںکینڈیز تقسیم کیں گئیں جبکہ شہریوں کی راہنمائی اور سہولت کیلئے ٹریفک آگاہی پمفلٹس تقسیم کئے گئے جن پر شہریوں کیلئے پارکنگ سٹینڈز،سٹیڈیم میں انٹرنس اور متبادل راستوں بارے پیغامات درج تھے۔ شہریوں میں پھول اور دیگر تحائف تقسیم کئے۔