لاہور(سپورٹس رپورٹر+نمائندہ سپورٹس) پاکستان اور سری لنکا کی ٹیموں کے درمیان تین ٹی ٹونٹی میچز کی سیریز کے پہلے میچ میں قومی ٹیم کے کپتان سرفراز احمد نے ٹاس جیت کر پہلے فیلڈنگ کا فیصلہ کیا۔ قذافی سٹیڈیم لاہور میں کھیلے جانے والے اس میچ میں پاکستانی سکواڈ میں احمد شہزاد، بابر اعظم، عمر اکمل، سرفراز احمد (کپتان)، افتخار احمد، آصف علی، عماد وسیم، شاداب خان، فہیم اشرف، محمد عامر اور محمد حسنین شامل تھے۔دوسری جانب سری لنکن ٹیم کے سکواڈ میں دانوشکاتھلیکا، اویشکا فرنیڈو، شیہان جے سوریا، بانوکا راجاپاکاشا، مینود بھانوکا، ڈاسن شناکا، اسیورو یودانا، ہاشارارنگا،کاسن راجیتھا اور نوان پریراشامل تھے۔میچ کے آغاز سے قبل دونوں ممالک کے قومی ترانے بجائے گئے۔