فیفا ریفری فزیکل فٹنس ٹیسٹ، 9 امیدوار کامیاب
شیخوپورہ (نامہ نگار خصوصی) پنجاب سٹیڈیم لاہور میں فیفا ریفری ٹیسٹ 2020 کا انعقاد کیا گیا۔ نارملائزیشن کمیٹی کے زیراہتمام ہونے والے فیفا فزیکل فٹنس ٹیسٹ میں 9 امیدوار کامیاب ہوئے ہیں جن میں ارشاد، عدنان، احمد رئوف، مزمل، محمد علی، محبوب، دلاور، جاوید اور عدیل انور شامل ہیں۔ محمد نعیم حیدر سیکرٹری مسلم سپورٹس اینڈ ڈی ایف اے شیخوپورہ نے ان کے کلب سے کامیاب ہونے والے ارشاد الحق اور عدیل انور کو مبارکباد پیش کی اور مسلم سپورٹس کا نام روشن کرنے پر شکریہ ادا کیا۔ نعیم حیدر نے کہا کہ ارشاد الحق اور عدیل انور کی فیفا میں شمولیت سے ان کا سر فخر سے بلند ہوگیا ہے۔
