اسلام آباد (نمائندہ نوائے وقت ) انسانی حقوق کی وزیر شیریں مزاری نے کہا ہے کہ بیٹیوں کے حقوق کا تحفظ آنے والی نسلوں کی کامیابی کی ضمانت ہے،یہ قوم کا اثاثہ ہوتی ہیں۔ شرکا نے ٹرک آرٹ کو سراہتے ہوئے کہا کہ اس اقدام سے بچیوں کی آواز ملک کے کونے کونے میں پھیلے گی۔ ان خیالات کا اظہار انہوں چائلڈ رائٹس ورلڈ دے کے حوالے سے تقریب کے دوران خطاب کرتے ہوئے کیا۔ بروز ہفتہ بچیوں کے حقوق کے عالمی دن پر اسلام آباد میں تقریب کا اہتمام کیا گیا جس میں سیاسی و سماجی شخصیات کیساتھ معروف اداکارہ مہوش حیات نے بھی خصوصی شرکت کی۔اسلام آباد میں ہونے والی اس رنگارنگ تقریب میں ٹرک آرٹ کے ذریعے وراثت میں حصہ دینے کیساتھ تعلیم اور کھیلوں تک رسائی کا خوبصورت پیغام عام کیا گیا۔