میرپور‘ جہلم (نوائے وقت رپورٹ) 24 ستمبر کے زلزلے کے بعد آفٹرشاکس کا سلسلہ جاری ہے۔ میرپور آزاد کشمیر اور نواحی علاقوں میں گزشتہ روز بھی زلزلے کے جھٹکے محسوس کئے گئے۔ جہلم شہر ‘ حافظ آباد اور گردو نواح میں بھی زلزلے کے جھٹکے محسوس کئے گئے۔ زلزلہ پیما مرکز کے مطابق زلزلے کی شدت ریکٹر سکیل پر 3.8 ریکارڈ کی گئی۔ زلزلے کا مرکز جہلم سے دس کلو میٹر شمال مشرق میں تھا۔ زلزلے پر لوگ خوفزدہ ہو کر کلمہ طیبہ کا ورد کرتے ہوئے گھروں سے باہر نکل آئے۔ زلزلے سے کسی جانی و مالی نقصان کی اطلاع نہیں ملی۔