گوجرانوالہ(نمائندہ خصوصی) گوجرانوالہ میں واقع گتے کی فیکٹری میں آگ لگ گئی،لاکھوں روپے کا سامان جل کر خاکستر ہو گیا ، کوئی جانی نقصان نہیں ہوا ۔ تفصیلات کے مطابق آگ بجھانے کے عمل میں فائربریگیڈ کی 6 گاڑیوں نے حصہ لیا۔گوجرانوالہ کے حافظ آباد روڈ پر واقع گتا بنانے والی فیکٹری میں مزدور کھانا گرم کر رہے تھے کہ گیس لیکیج کے باعث آگ بھڑک اٹھی۔آگ کے شعلوں نے دیکھتے ہی دیکھتے فیکٹری کی 2 منزلہ عمارت کو لپیٹ میں لے لیا۔اطلاع ملنے پر ریسکیو کی 6 گاڑیاں موقع پر پہنچ گئیں اور مسلسل آپریشن کے بعد آگ پر قابو پا لیا گیا۔آگ لگنے سے کوئی جانی نقصان نہیں ہوا، تاہم فیکٹری میں موجود لاکھوں روپے مالیت کا سامان جل کر خاکستر ہو گیا، آگ لگنے کے بعد سے علاقے میں بجلی کی سپلائی معطل ہے۔