کراچی (آئی این پی) گورنرسندھ عمران اسماعیل نے کہا ہے کہ کراچی میں شوکت خانم ہسپتال کی تعمیر سے سندھ کی عوام کو علاج کی بہترین سہولیات میسر آئیں گی، اس وقت شوکت خانم ہسپتال سے 80فیصد مریضوں کو بلامعاوضہ علاج کی سہولیات فراہم کی جارہی ہیں۔ وہ اتوار کو ہیوی بائیک چلا کر ریلی کا سی ویو سے افتتاح کے موقع پر گفتگو کررہے تھے۔ ریلی رائڈ فار کاز پاکستان کے زیر اہتمام چھاتی کے کینسر کے بارے میں آگاہی کے لیے منعقد کی گئی۔