لاہور( سپورٹس رپورٹر)ساوتھ ایشین انڈر۔16 گرلز نیٹ بال چیمپیئن شپ میں شرکت کے ؤلئے 13 رکنی قومی جونیئر ٹیم آج منگل کو کراچی سے نیپال روانہ ہوگی۔13 رکنی ٹیم کی قیادت زینب شجاعت کریں گی جبکہ مہرین ساگر ٹیم کی نائب کپتان ہونگی۔ چیمپیئن شپ 18 سے 22 اکتوبر تک کھٹمنڈو نیپال میں کھیلی جائے گی ۔ پاکستان چیمپیئن شپ میں اپنا پہلا میچ 18 اکتوبر کو نیپال کے خلاف، دوسرا 19 اکتوبر کو سری لنکا اور تیسرا بھارت کے خلاف جبکہ چوتھا میچ 20 اکتوبر کو مالدیپ کے خلاف کھیلے گا۔22اکتوبر کو فائنل اور تیسری پوزیشن کے میچ کھیلے جائیں گے۔