ٹی ٹونٹی سیکنڈ الیون ٹورنامنٹ:سدرن پنجاب اور سندھ کی ٹیمیں کامیاب
لاہور( سپورٹس رپورٹر)نیشنل ٹی ٹونٹی کپ سیکنڈ الیون ٹورنامنٹ کادوسراروز،سدرن پنجاب اور سندھ فاتح وایونٹ کے دوسرے روز نیشنل سٹیڈیم کراچی میں کھیلے گئے پہلے میچ میں سدرن پنجاب نے ذیشان اشرف کی شاندار سنچری کی بدولت ناردرن کو 7 وکٹوں کے بھاری مارجن سے شکست دے دی۔ ذیشان اشرف نے ناقابل شکست 127 رنز اسکور کیے۔ ناردرن نے ٹاس جیت کر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 190 رنز بنائے۔آلراؤنڈرنعمان علی نے 33 گیندوں پر 67 رنز کی اننگز کھیلی۔جواب میں اوپنرذیشان اشرف کی شاندار بیٹنگ کی بدولت سدرن پنجاب نے مقررہ ہدف 9 گیندیں قبل حاصل کرلیا۔ ذیشان اشرف نے 63 گیندوں پر 127 رنز کی ناقابل شکست اننگز کھیلی۔ ناردرن کے سلمان ارشاد، شہزاد اعظم اور نعمان علی نے 1،1 کھلاڑیوں کو آؤٹ کیا۔نیشنل سٹیڈیم کراچی میں کھیلے گئے دوسرے ٹی ٹونٹی میچ میں سندھ نے بلوچستان کو 5 وکٹوں سے شکست دے دی۔ سندھ کی جانب سے مڈل آرڈربیٹسمین محمد وقاص نے 47 رنز کی دھواں دھار اننگز کھیلی۔ اس سے قبل سندھ نے ٹاس جیت کر پہلے فیلڈنگ کا فیصلہ کیا۔ اوپنر عظیم گھمن کی نصف سنچری اور جلات خان کی جارحانہ اننگز کی بدولت بلوچستان نے مقررہ 20 اوورز میں 169رنز بنائے۔ عظیم گھمن نے 48 گیندوں 6 چوکوں کی مدد سے 58 رنز سکور کیے۔جواب میں سندھ نے مطلوبہ ہدف18.5 اوورز میں 5وکٹوں کے نقصان پرحاصل کرلیا۔ مڈل آرڈربیٹسمین محمد وقاص نے 26 گیندوں پر 47 رنز کی جارحانہ اننگز کھیلی۔
