لاہور(سپورٹس رپورٹر) جونیئر ایشین ویٹ لفٹنگ چیمپئن شپ میں شرکت کیلئے پاکستان کی دو رکنی ویٹ لیفٹنگ ٹیم کل شمالی کوریا روانہ ہوگی۔ پاکستان کے طلحہ طالب جونیئرپاکستان کی نمائندگی کرینگے جبکہ علی اسلم بطور کوچ شریک ہونگے۔ سیکرٹری پاکستان ویٹ لفٹنگ فیڈریشن امجد امین بٹ کا کہنا تھا کہ جونیئر ایشین ویٹ لفٹنگ چیمپئن شپ اگلے سال ٹوکیو میں اولمپکس گیمز کا کوالیفائنگ راونڈ بھی ہے۔ نوجوان کھلاڑی نے بھرپور تیاری کی ہے امید ہے کہ طلحہ طالب پاکستان کیلئے میڈل جیت کر آئیں گے۔ پاکستان ویٹ لفٹنگ فیڈریشن کو نوجوان کھلاڑی سے بہت توقعات ہیں ۔