لاہور(سپورٹس رپورٹر+نمائندہ سپورٹس)قومی ٹی ٹونٹی ایونٹ میں بلوچستان نے سدرن پنجاب‘ناردرن نے سندھ کو ہرا دیا۔ سدرن پنجاب کی ٹیم 7 وکٹوں پر 144 رنز بنائے۔ وہاب ریاض نے 17 گیندوں پر 31 رنز بنائے ۔ جواب میں امام الحق اور اویس ضیاء نے 60 رنزکا آغاز فراہم کیا۔امام الحق 51 رنز بنا کر آؤٹ ہوئے۔ عمران بٹ 28 اور کپتان حارث سہیل 25 رنز بناکر ناٹ آؤٹ رہے۔ بلوچستان نے ہدف 19.3 اوورز میں 3 وکٹوں پر حاصل کر لیا ۔ ناردرن نے سندھ کو 66رنز سے ہرادیا ۔ناردرن نے سات وکٹوں پر 191رنز بنائے ۔ عمر امین36 ‘سہیل اختر 63 رنز بناکر نمایاں رہے ۔ سندھ ٹیم 125رنز پر پویلین لوٹ گئی ۔ احسن علی 29‘سرفراز احمد 17‘اسد شفیق 17رنز بناکر نمایاں رہے ۔ شاداب خان نے تین کھلاڑیوں کوآئوٹ کیا ۔ آج پہلے میچ میں سنٹرل پنجاب اور سدرن پنجاب جبکہ دوسرے میں ناردرن اورخیبرپختونخوا کی ٹیمیں مدمقابل ہوں گی۔