لاہور (کلچرل رپورٹر) معروف اداکارہ نگار چودھری نے کہا ہے کہ وہ جلد فلم کی عکسبندی کیلئے بیرون ملک روانہ ہو رہی ہیں میری نئی فلم کی کاسٹ آئندہ ہفتے مکمل ہو جائے گی جس کے بعد ہم عکسبندی کیلئے دبئی اور ملائیشیا روانہ ہو نگے سٹیج کیساتھ ساتھ فلم اور ٹی وی پر بھی بھرپور توجہ دے رہی ہوں میری ڈرامہ ونگاں چڑھانو کو بہت پسند کیا گیا ہے ورسٹائل اداکارہ ہوں اور مجھے ہرشعبہ میں اپنے آپ کو منوانا ہے۔ اب پاکستان میں فلمی دور پھر واپس آ را ہے اور جو بھی اچھی اور معیاری فلم بن رہی ہے اسے خوب پسند کیا جا رہا ہے اور اب تو ہماری انڈسٹری بھی کروڑوں کا بزنس کر رہی ہے جس سے کئی نئے فلمسازوں کو حوصلہ ملا ہے اور وہ فلموں پر سرمایہ کر رہے ہیں ۔