قصور: وین ٹائر پھٹنے کے باعث الٹ گئی ،10 سے زائد مسافر زخمی
قصور(نمائندہ نوائے وقت)فیروز پور روڈ اقبال نگر کے قریب مسافر وین ٹائر پھٹنے کے باعث الٹ گئی جس میں دس سے زائد مسافر زخمی ہوگئے ۔ریسکیو ذرائع کے مطابق اقبال نگر کے قریب مسافروں سے بھری ہوئی وین ٹائر پھٹنے کے باعث اُلٹنے سے دس کے قریب مسافر جن میں بزرگ، خواتین، نوجوان اور بچے شامل تھے۔ وین کا ٹائر تیز رفتار اور اوور لوڈنگ کی وجہ سے پھٹا۔ جائے وقوعہ پر موجود افراد نے ریسکیو 1122 کو فوری امدادی کاروائی کے لیے کال کی جس پر ریسکیو ٹیمیں موقع پر پہنچی اور زخمی ہونے والے افراد کو طبی امداد دینے کے بعد ڈی ایچ کیو ہسپتال منتقل کر دیاتاہم پولیس گرفتاری کے خوف سے ڈرائیور وین چھوڑ کر موقع سے فرار ہو گیا۔
