بہاولنگر (نامہ نگا+ نمائندہ نوائے وقت) زمین کے لالچ میں ، بھائیوں کا خون سفید ہوگیا، تین بھائیوں نے حقیقی چھوٹے بھائی کی آنکھیں سوئے مار کر ضائع کر دیں اور پلاس سے کھنچ کر چاقو سے زبان بھی کاٹ دی متاثر شخص ڈسٹرکٹ ہسپتال منتقل۔ ڈسٹرکٹ پولیس آفیسر محمد انور کھیتران کے حکم زمین تھانہ صدر پولیس نے واقعہ کی ایف آئی آر درج کرکے دو ملزمان کوگرفتار کرلیا۔ تفصیلات کے مطابق تھانہ صدر بہاولنگر کے علاقہ چک بھوکاں میں زمیں کے لالچ میں بھائیوں نے پر ظلم کی انتہا کر دی۔ سگے بھائیوں سرفراز شعیب اور گلاب علی نے برف سوئے کے وار کرکے اپنے بھائی ذوالفقارکی آنکھیں ضائع کرتے ہوئے پلاس سے زبان باہر نکال کر چاقو سے کاٹ دی اور بیہمانہ تشدد کا بھی نشانہ بنایا متاثرہ شخص کو تشویشناک حالت میں ڈسٹرکٹ ہیڈ کوارٹر ہسپتال منتقل کر دیا گیا۔ چک بھوکاں کے رہائشی ذوالفقارکا اپنے بھائیوں سے زمین کا تنازعہ چل رہا تھا اہلیان علاقہ نے پنچائت کے ذریعے بھائیوں میں صلح کروا دی تھی۔ ذوالفقار کو بھائیوں نے زمین کے ٹھیکہ کی رقم دینے کے بہانے بلاک کر حملہ کر دیا۔ ڈی پی او محمد انور کھیتران نے کہا کہ متاثرہ شخص کو مکمل انصاف فراہم کیا جائے گا۔ وہ خود اس مقدمہ کی نگرانی بھی کریں گے۔