چئیرمین نیب جسٹس (ر) جاوید اقبال سے آسٹریلیا کے ہائی کمشنر کی ملاقات
اسلام آباد(نا مہ نگار) قومی احتساب بیورو کے چئیرمین جسٹس (ر) جاوید اقبال سے آسٹریلیا کے ہائی کمشنر ڈاکٹر جیفری شاو نے نیب ہیڈ کوارٹرز میں ملاقات کی۔ ملاقات میں باہمی دلچسپی کے امور پر تبادلہ خیال کیا گیا۔ ملاقات میں چئیرمین نیب نے نیب اسلام آباد میں قائم اسٹیٹ آف دی آرٹ فرانزک سائنس لیبارٹری کیلئے آسٹریلین نیشنل پولیس کی طرف سے جدید آلات کی فراہمی پر شکریہ ادا کیا ۔ آسٹریلیا کے ہائی کمشنر ڈاکٹر جیفری شاو نے قومی احتساب بیورو کے چئیرمین جسٹس جاوید اقبال کی قیادت میں نیب کی ملک سے بدعنوانی کے خاتمہ کیلئے کاوشوں کو سراہا۔
