گوجرانوالہ، نارنگ منڈی (نمائندہ خصوصی، نامہ نگار) گوجرانوالہ اور نارنگ منڈی میں نویں او چھٹی کلاس کے طلباء سے زیادتی، ویڈیو بھی بنالی گئی۔ پولیس نے 3 ملزم گرفتار کر لئے۔ منڈی احمد آباد میں 5، پسرور میں 8 سالہ معصوم بچے کو زیادتی کا نشانہ بنا دیا گیا۔ تفصیلات کے مطابق گوجرانوالہ کے ماڈل ٹائون پو لیس نے نویں کلاس کے طالبعلم سے زیادتی اور ویڈیو بنا کر بلیک میل کرنیوالے دو ملزموں کو حراست میں لیکر تفتیش کا دائرہ وسیع کر دیا۔ انیس اور بلال نے زبردستی انیس کے گھر لیجا کر زیادتی کا نشانہ بنا ڈالا اور اس دوران ملزمان ویڈیو بھی بناتے رہے۔ بعد از بلیک میل کر کے مزید تین بار زیادتی کا نشانہ بنایا۔ پولیس آفیسرڈاکٹر معین مسعود نے کہا کہ بچے پھول کی طرح ہوتے ہیں کہ جن کو اگر مسل دیا جائے تو وہ زندگی بھر اپنے خول میں بند ہوکر رہ جاتے ہیں۔ ایسے سنگین جرائم میں ملوث درندہ صفت عناصر کو نشانِ عبرت بنا دیں گے۔ دریں اثناء تھانہ نارنگ منڈی کے گائوں ہچڑمیں2 اوباشوں نے چھٹی کلاس کے طالب علم (گ) کو گن پوائنٹ پر زیادتی کا نشانہ بناڈال اور ویڈیو بنا کر سوشل میڈیا پروائرل کر دی۔ نارنگ منڈی پولیس نے مقدمہ درج کرکے ملزم فرحان کوگرفتارکر لیا ہے جس نے اعتراف جر م بھی کر لیا جبکہ دوسرا ملزم فرارہوگیا۔پولیس تھانہ کرم پور میں تعینات اے ایس آئی مبینہ طور پر خاتون سے زبردستی کرتے ہوئے رنگے ہاتھوں پکڑا گیا علاقہ مکینوں نے پولیس افسر کا منہ کالا کرکے شدید تشدد کا نشانہ بنا ڈالاپو واقعات کے مطابق گزشتہ شب پولیس تھانہ کرم پور میں تعینات اے ایس آئی ملک اظہر موضع دھلو کے رہائشی نیاز احمد کے گھر مبینہ طور پر دیوار پھلانگ کر داخل ہوگیا اور گھر میں موجود نیاز احمد کی بیوی کلثوم بی بی سے مبینہ طور پر زبردستی کرنے لگا کلثوم بی بی نے صحافیوں سے گفتگو کرتے ہوئے بتایا کہ مذکورہ اے ایس آئی نے میرے خاوند نیاز احمد کو منشیات کے کیس میں گرفتار کیا اور ایک رات مجھے فون کرکے کہنے لگا کہ تمہارا شوہر کپڑے مانگ رہا ہے آکر کپڑے دے جائو جس پر میں نے رات کے وقت گھر سے جانے سے انکار کردیا اس کے بعد اے ایس آئی اظہر مسلسل مجھے فون کرتا رہا مگر میری طرف سے کوئی مثبت جواب نہ پاکر فون کا سلسلہ ترک کردیا تاہم گزشتہ شب وہ میرے گھر کی دیوار پھلانگ کر میرے پاس آگیا اور کہنے لگا کہ میں نے تمہارے شوہر کو نائن سی میں بند کیا ہے اگر تم میرے ساتھ غلط کاری کرو گی تو میں تمہارے شوہر کو آزاد کروادوں گا اور اس کے ساتھ ہی میرے ساتھ کھینچا تانی شروع کردی جس پر میں نے شور وواویلا کیا تو اہل علاقہ موقع پر پہنچ گئے اہل علاقہ نے اے ایس آئی پر تھپڑوں مکوں لاتوں اور ڈنڈوں کی برسات کرتے ہوئے اس کا حلیہ بگاڑ دیا جبکہ اے ایس آئی کا منہ کالا کرکے پولیس تھانہ کرم پور کو کال کی جس پر پولیس تھانہ کر م پور نے اے ایس آئی اظہر کو حراست میں لے کر تحقیقات کا آغاز کردیا متاثرہ خاتون کے میڈیکل کیلئے کلثوم بی بی کو ڈسٹرکٹ ہیڈ کوارٹر ہسپتال منتقل کردیا گیا پولیس ترجمان کے مطابق معاملہ کی تحقیقات کی جارہی ہیں تاہم تاحال کوئی ایف آئی آر درج نہ ہوسکی