لاہور( سپورٹس رپورٹر+نمائندہ سپورٹس)بنگلہ دیش انڈر16 کرکٹ ٹیم کا دورہ پاکستان،مہمان ٹیم 2 تین روزہ اور 3 ایک روزہ میچوں پر مشتمل سیریز میں شرکت کے لیے آج 22 اکتوبر کو پاکستان پہنچے گی ۔ قومی جونیئر سلیکشن کمیٹی کے سربراہ سلیم جعفر نے بنگلہ دیش کے خلاف تین روزہ اور ایک روزہ سیریز کے لیے قومی انڈر 16کرکٹ ٹیموں کا اعلان کر دیا۔ تین روزہ سیریز کے لیے قومی انڈر 16 کرکٹ ٹیم ان کھلاڑیوں پر مشتمل ہوگی:عالیان محمود (کپتان)، محمد وقاص (نائب کپتان)، محمد شہزاد، علی حسن، اسیر مغل، رضوان محمود، خالد خان، علی اسفند، عباس علی، احمد خان، ابرار افضل، فرہاد خان، ایاز شاہ، افضل منظور، حسیب عمران اور محمد سکندر ۔ اسطرح ایک روزہ سیریز کے لیے قومی انڈر 16 کرکٹ ٹیم اعالیان محمود (کپتان)، محمد وقاص (نائب کپتان)، محمد شہزاد، علی حسن، زین انور، رضوان محمود، خالد خان، علی اسفند، عباس علی، احمد خان، اسیر مغل، اسماعیل خان، منیب واصف، زبیر شنواری، حسین اور ابتسام رحمٰن پر مشتمل ہوگی ۔