فیروزوالہ (نامہ نگار )سب ڈویژن واپڈا قلعہ ستا رشاہ اے ایم او محمد عمران مبشر ہاشمی نے ٹیم کے ارکان انتخا ب علی ، طارق محمود اور محمد اصغر کے علاوہ دیگر عملے کے ہمراہ کو ٹ پنڈی داس اور لاہور روڈ کے ایریا میں چھاپے مار کر بجلی چوری کرتے ہوئے درجنوںافراد کو پکڑلیا جو بجلی کی مین تاروں سے ڈائریکٹ تاریں لگا کر لاکھوں روپے کی بجلی چوری کر رہے تھے۔ واپڈا حکام کی رپورٹ پرفیکٹری ایریا پولیس نے افتخار ، اسلم ، یونس ، سرفراز اور جعفر وغیرہ کیخلاف بجلی چوری کے الزام میں مقدمات درج کر لئے علاوہ ازیں ایس ڈی او واپڈا منڈی فیض آبادمحمد عثمان نے دیگر اہلکاروں کے ہمراہ کوٹ دینہ اور فتووالہ کے علاوہ دیگر مقامات پر چھاپے مار کر بجلی چوری کر تے ہوئے متعدد افراد کو پکڑ لیا۔ پولیس نے دو خواتین سمیت 22افراد کیخلاف مقدمات درج کر لئے ۔