کسوال‘ چیچہ وطنی، گجرات (نامہ نگاران) گجرات میں بچوں سے زیادتی اور ویڈیو بنانے والا ملزم گرفتار، دکاندار نے خاتون‘ نوجوان نے طالب علم کو زیادتی کا نشانہ بنا ڈالا۔ نواحی گائوں 58/12-L کے رہائشی کی بیوی گھر سے سودا خریدنے عامر نامی دکاندار کے پاس گئی جس نے اسے کمرے میں لیجا کر اس کے ساتھ زبردستی زیادتی کی، شور و غل پر لوگ آ گئے جنہیں دیکھتے ہی عامر دیوار پھلانگ کر بھاگ گیا۔ اسی طرح نواحی گائوں 1/14-A-L کے رہائشی کا بھتیجا جومدرسے کا طالب علم ہے گلی میں جا رہا تھا کہ اوباش نوجوان شاہ زمان نے اسے پکڑ لیا اور اسے زیادتی کا نشانہ بنا کر فرار ہوگیا۔ پولیس نے واقعات کے مقدمات درج کرلئے۔ علاوہ ازیں تھانہ ڈنگہ پولیس نے کم عمر بچوں کی قابل اعتراض فلمیں بنا کر بلیک میل کرنے اور سوشل میڈیا پر وائرل کرنیوالے ملزم وقاص بٹ سکنہ دھکڑ کو گرفتار کر لیا، ملزم بچوں سے فیس بک پر دوستی کر کے انہیں مختلف لالچ دے کر اپنی کار میں سیر کرواتا اورزیادتی کا نشانہ بنانے کے دوران ویڈیو بناتا تھا، جس پر متاثرہ کے کزن کی مدعیت میں مقدمہ درج کر کے ملز م وقاص بٹ کے موبائل فون سے نازیبا ویڈیو ز بر آمد کر لی گئی ہیں۔ واضع رہے کہ ملزم وقاص بٹ پر کھاریاں عدالت میں 2016 سے بچے کے ساتھ زیادتی کا کیس بھی چل رہا ہے ۔