لاہور(نمائندہ سپورٹس+سپورٹس رپورٹر) انٹرنیشنل بلیئرڈز اینڈ سنوکر فیڈریشن ورلڈ سنوکر چیمپئن شپ ترکی کے شہر انتالیا میں شروع ہوگئی، پاکستانی کیوئسٹس نے میچز جیت لئے ، مبشر رضا نے سنچری بریک بھی کھیلا۔ایونٹ میں 40 ملکوں کے 110 کیوئسٹس شریک ہیں۔ پاکستان کے 4 میں سے تین کیوئسٹس ابتدائی روز ایکشن میں تھے۔محمد آصف نے ترکی کے اینیس باکرشی کو40-58 ، 1-65 ، 38-80 اور 8-91 سے ہرایا۔ مبشر رضا نے بیلجیم کے کیوین ہنسنس کو شکست دی۔ مبشر نے پہلے فریم میں 101 کا سنچری بریک بھی کھیلا۔ مبشر نے مقابلہ 1-122 ، 10-65 ، 21-75 اور 27-82 سے اپنے نام کیا۔ بابر مسیح نے میزبان ملک کے کیہان دوروکان کو شکست دی۔ ترکی کے کیوئسٹ بابر کیخلاف پہلے فریم میں کوئی بھی بال پوٹ نہ کرسکے۔ بابر مسیح نے یہ میچ 0-87 ، 6-71 ، 7-97 اور 8-69 سے جیتا۔آج محمد آصف نیوزی لینڈ کے میتھیو اسکاربورو، ذوالفقار قادر روس کے آیون کاکوسکل اور بابر مسیح جمہوریہ چیک کے اوسپ زوسمانووچ سے مقابلہ کریں گے۔