لاہور(نیوز رپورٹر+سپورٹس رپورٹر ) پی ٹی آئی کے بانی کارکن اور وزیراعظم عمران خان کے قریبی ساتھی عاشق قریشی وفات پا گئے۔ ان کی وفات پر پی ٹی آئی مرکزی پنجاب کے صدر اعجاز احمد چوہدری نے گہرے دکھ اور افسوس کا اظہار کرتے ہوئے کہا پی ٹی آئی سوگوار خاندان کے غم میں برابر کی شریک ہے۔ دریں اثناء وزیراعظم عمران خان نے دیرینہ دوست عاشق قریشی کی وفات پر گہرے دکھ کا اظہار کیا اور ٹویٹ کرتے ہوئے کہا کہ عاشق قریشی میری زندگی کے مشکل وقت میں ہمیشہ میرے ساتھ رہے‘ وہ شوکت خانم ہسپتال بنانے میں ساتھ دینے والے پہلے انسان تھے‘ ان کو شریف اور عظیم انسان کے طور پر یاد رکھا جائیگا۔