جوڈو کے عالمی دن کے موقع پر پنجاب ایسوسی ایشن کے زیراہتمام تقریب
لاہور(سپورٹس رپورٹر) جوڈو کے عالمی دن کے حوالے سے پنجاب جوڈو ایسوسی ایشن کی جانب سے خصوصی تقریب منعقد کی گئی۔ اس موقع پر پنجاب جوڈو ایسوسی ایشن کے صدر آصف اقبال خان، سیکرٹری سید قمر شکیل نے جوڈو کھلاڑیوں کے ساتھ ملکر جوڈو کے عالمی دن کے حوالے سے کیک کاٹا۔ اس موقع پر جوڈو کے نمائشی میچز بھی کرائے گئے جن میں مرد و خواتین کھلاڑیوں کی بڑی تعداد نے شرکت کی۔ مقابلوں کے اختتام پر نمایاکارکردگی دکھانے والے کھلاڑیوں میں انعامات تقسیم کیے گئے۔
