لاہور (سپورٹس رپورٹر) گل احمد 104 واں ایف آئی پی ایمبسیڈرز پولو کپ 2019ء کے پانچویں روز ڈائمنڈ پینٹس اور ایڈیسیو نے فائنل کیلئے کوالیفائی کرلیا۔ ڈائمنڈ پینٹس نے ماسٹر پینٹس کو 6-3 سے ہرا کر فائنل کیلئے کوالیفائی کیا۔ دوسرے میچ میں ایڈیسیو نے ریمنگٹن فارما /گارڈ گروپ کو 8-4 سے ہرا دیا۔ ایڈیسیو کی طرف سے ملک عاطف یار ٹوانہ نے پانچ،جیسن کرین نے دو جبکہ عبدالحئی مہتہ نے ایک گول سکور کیا۔ دوسری طرف سے ریمنگٹن فارما /گارڈ گروپ کی طرف سے تیمور علی ملک نے تین جبکہ کوی اٹارک نے ایک گول سکور کیا۔