پیرس (اے پی پی) سربیا کے شہرہ آفاق ٹینس سٹار اور عالمی نمبر ایک نوویک جوکووچ اور ہسپانوی ٹینس سٹار اور عالمی نمبر دو رافیل نڈال پیرس ماسٹرز اوپن ٹینس مینز سنگلز کوارٹر فائنل میں پہنچ گئے۔ فرانس میں جاری اے ٹی پی ایونٹ میں کھیلے گئے مینز سنگلز پری کوارٹر فائنل میچز میں سربین کھلاڑی نوویک جوکووچ نے شاندار کارکردگی کا مظاہرہ کرتے ہوئے برطانوی حریف کھلاڑی کائل ایڈمونڈ کو 7-6(9-7) اور 6-1 سے شکست دیکر ایونٹ کے کوارٹر فائنل کے لئے کوالیفائی کرلیا۔ ہسپانوی ٹینس سٹار رافیل نڈال نے سوئس کھلاڑی سٹین واورینکا کو سٹریٹ سیٹس میں 6-4 اور 6-4 سے ہرا کر ایونٹ کے کوارٹر فائنل کے لئے کوالیفائی کرلیا۔ کینیڈا کے ڈینس شاپووالوو اور انکے بھارتی جوڑی دار روہن بھوپنا ٹورنامنٹ مینز ڈبلز کوارٹر فائنل رائوند میں پہنچ گئے۔ مینز ڈبلز پری کوارٹر فائنل رائونڈ میچ میں کینیڈا کے ڈینس شاپووالوو اور روہن بھوپنا نے امریکا کے ایسٹن کریجک اور انکے میکسیکن جوڑی دار مانیول گونزالز کو شکست دیکر کوارٹر فائنل رائونڈ کے لئے کوالیفائی کرلیا۔